MÁIS DEREITOS, MÁIS CONQUISTAS, QUEREMOS MÁIS
Traballamos polo emprego, por mellores condicións laborais, mellores salarios e novos dereitos
Quero unirmeQUE SOMOS
Somos un millón de persoas afiliadas que decidimos unirnos e organizarnos para defendermos colectivamente os nosos intereses e dereitos laborais e sociais. Ao longo da nosa historia, e grazas á loita de multitude de traballadores e traballadoras anónimas que se organizaron en Comisións Obreiras, conseguimos avanzar en dereitos e liberdades que hoxe consideramos imprescindibles, que fortalecen a nosa democracia, e seguimos conquistando novos dereitos día a día.
Alí onde un traballador ou unha traballadora nos reclame, estaremos, sen ningunha dúbida, as Comisións Obreiras.
QUE FACEMOS
¿COMO O FACEMOS?
Grazas á nosa afiliación. Sen ningunha dúbida. Sen todas e cada unha das persoas que contribúen solidariamente coa súa cota sindical, as nosas conquistas non serían posibles.
Toda a actividade, desde a acción sindical dos equipos de extensión, ata os servizos xurídicos, e mesmo as funcións constitucionais ás que nos empraza a lexislación, susténtanse na cota sindical que o millón de traballadoras e traballadores achegamos mensualmente. Podes consultar as distintas cotas segundo a túa situación.
Deste xeito, garantimos que a acción da nosa organización sexa totalmente libre e autónoma, non dependemos de subvencións nin axentes externos. O noso único interese é defender as nosas compañeiras e compañeiros.
MÁIS CCOO
Somos a principal organización sindical do país, temos atendido innumerables casos, resolvemos multitude de negociacións de forma favorable e logramos dereitos que hoxe en día consideramos irrenunciables.
Pero cómpre máis. Cómpren máis dereitos, máis salarios, máis protección, máis igualdade. Cómpre máis e mellor emprego e, para todo iso, queremos máis Comisións Obreiras.
MÁIS
COBERTURA
Son moitas as consultas que desde CCOO atendemos acotío para resolvermos dúbidas e asesorarmos as nosas compañeiras e compañeiros, pero somos conscientes de que hai casos aos que non chegamos. Queremos chegar a todos eles, estender o alcance da nosa cobertura a cantos máis traballadores e traballadoras sexa posible.
MÁIS
DEREITOS
A crise pandémica da covid supuxo un duro golpe para a sociedade e para o mercado laboral que, grazas particularmente á nosa acción, tivo unha saída que protexeu o emprego e as persoas traballadoras. Agora é o momento de seguir avanzando, de conquistar máis dereitos. Os acordos en materia laboral ou a suba do salario mínimo interprofesional (smi) son avances moi significativos, pero queremos máis, por xustiza social e equidade económica.
MÁIS
AUTONOMÍA
Debémonos á nosa xente, ás traballadoras e aos traballadores. Que no te mareen: o 85 % do financiamento do sindicato provén da cota sindical da súa afiliación. Coa achega que a afiliación fai, poñemos a disposición do conxunto de traballadoras e traballadores de forma solidaria os servizos xurídicos e organizamos a acción sindical. Non dependemos de ninguén, debémonos á nosa afiliación e así queremos que siga sendo.
MÁIS
ACCIÓN
Somos moi conscientes de que os dereitos non se regalan, e de que é a acción sindical da afiliación e a representación sindical nos centros de traballo a que logra avances e conquistas construíndo movemento obreiro. Aínda quedan moitas conquistas, moitos dereitos polos que hai que seguir loitando, e todo o apoio é pouco.
Organízate e loita nas Comisións Obreiras.